QS WUR халықаралық рейтингіне қазақстандық жоғары оқу орындарының рекордтық саны енді

Білім және ғылым министрлігінің мәліметінше, QS WUR – әлемдегі ең беделді рейтингтердің бірі саналады. Сондай-ақ биыл кейбір университет рейтингте бірнеше орынға көтеріліп, өз позицияларын нығайта түсті. Әл-Фараби атындағы Қазақ ұлттық университеті кезекті рет 175-орынға тұрақтап, әлемнің 200 үздік университетінің қатарына енді. Л.Н.Гумилев атындағы Еуразия ұлттық университеті 90 позицияға көтеріліп, 328-орынды, ал Мұхтар Әуезов атындағы Оңтүстік Қазақстан университеті 482-орынды иеленіп, үздік 500 оқу орнының қатарынан көрінді. Сонымен қатар рейтингке Satbayev University, Қазақ ұлттық аграрлық зерттеу университеті, Абай атындағы Қазақ ұлттық педагогикалық университеті, С.Ж.Асфендияров атындағы Қазақ ұлттық медицина университеті кірді. «Рейтинг тарихына көз жүгіртсек, биыл оның құрамына қазақстандық жоғары оқу орындарының рекордтық саны кірді. Рейтингке енгізілген 14 жоғары оқу орнының жетеуі соңғы жылы өз позициясын жақсарта түсті. Бұл қазақстандық жоғары білімнің халықаралық деңгейдегі танымалдығының арта түскенін көрсетеді», – деді ҚР БҒМ жоғары және жоғары оқу орнынан кейінгі білім департаментінің директоры Әділет Тойбаев. Жоғары оқу орындарының позицияларын есептеу кезінде рейтингте академиялық топтар мен жұмыс беруші ұйым өкілдерінен жиналған сауалнамалардың нәтижелері, сондай-ақ 2015 жылдан бастап 2019 жылға дейінгі кезеңдегі 14,7 миллион жарияланым ескерілді. Әлемдік рейтингтерде ілгерілеу – қазақстандық білім беру сапасының одан әрі жақсара түсуінің, университеттердің жоғары мәртебесінің айқын дәлелі.

-->

Білім және ғылым министрлігінің мәліметінше, QS WUR – әлемдегі ең беделді рейтингтердің бірі саналады. Сондай-ақ биыл кейбір университет рейтингте бірнеше орынға көтеріліп, өз позицияларын нығайта түсті. Әл-Фараби атындағы Қазақ ұлттық университеті кезекті рет 175-орынға тұрақтап, әлемнің 200 үздік университетінің қатарына енді. Л.Н.Гумилев атындағы Еуразия ұлттық университеті 90 позицияға көтеріліп, 328-орынды, ал Мұхтар Әуезов атындағы Оңтүстік Қазақстан университеті 482-орынды иеленіп, үздік 500 оқу орнының қатарынан көрінді. Сонымен қатар рейтингке Satbayev University, Қазақ ұлттық аграрлық зерттеу университеті, Абай атындағы Қазақ ұлттық педагогикалық университеті, С.Ж.Асфендияров атындағы Қазақ ұлттық медицина университеті кірді. «Рейтинг тарихына көз жүгіртсек, биыл оның құрамына қазақстандық жоғары оқу орындарының рекордтық саны кірді. Рейтингке енгізілген 14 жоғары оқу орнының жетеуі соңғы жылы өз позициясын жақсарта түсті. Бұл қазақстандық жоғары білімнің халықаралық деңгейдегі танымалдығының арта түскенін көрсетеді», – деді ҚР БҒМ жоғары және жоғары оқу орнынан кейінгі білім департаментінің директоры Әділет Тойбаев. Жоғары оқу орындарының позицияларын есептеу кезінде рейтингте академиялық топтар мен жұмыс беруші ұйым өкілдерінен жиналған сауалнамалардың нәтижелері, сондай-ақ 2015 жылдан бастап 2019 жылға дейінгі кезеңдегі 14,7 миллион жарияланым ескерілді. Әлемдік рейтингтерде ілгерілеу – қазақстандық білім беру сапасының одан әрі жақсара түсуінің, университеттердің жоғары мәртебесінің айқын дәлелі.