ҰБТ кезінде қоғамдық тәртіпті 100 полиция қызметкері қадағалайды

Тестілеу кезінде 100 полиция қызметкері қоғамдық тәртіпті қамтамасыз етеді. Түлектердің ата-аналары үйде қалуы тиіс. Олар үшін аудиториялардан онлайн көрсетілім ұйымдастырылады, деп хабарлайды Елорда Инфо қала әкімдігінің ресми сайтына сілтеме жасап. «Оқытушылар мен түлектер арасында COVID-19 таралуын болдырмау және алдын алу бойынша түсіндіру жүргізілуде. Сыныптарда үстелдер арасындағы қашықтық кемінде екі метр болуы керек. Нұсқаулықта жазылғандай, дезинфекциялық құралдармен қамтамасыз ету (респираторлы бетперделер, қолғаптар, санитайзерлер); термометрияның сақталуы, тексерілетін адам мен қызметкер арасындағы қашықтық кемінде бір метр; университеттердің аудиторияларында санитарлық-дезинфекция режимін сақтау; желдету жүйелері мен ауа баптау жүйелерінің үздіксіз жұмысын қамтамасыз ету», – делінген Білім басқармасы таратқан ақпаратта. ҰБТ кезінде қоғамдық тәртіпті 100 полиция қызметкері мен 10 арнайы көлік қамтамасыз етеді. Сонымен қатар 9 медицина қызметкері және үш жедел жәрдем жұмылдырылады. 24 қызметкер өрт қауіпсіздігін қадағалайды, 46 автобус қала шетінде тұратын 540 түлекті тасымалдайды. Білім басқармасы түлектердің ата-аналары балалардың денсаулығы мен қауіпсіздігін қамтамасыз ету үшін топталып жиналмай, үйде отыруы керек екенін тағы да ескертеді. Олар үшін аудиториядан онлайн трансляция ұйымдастырылады. Естеріңізге салсақ, биыл 6 515 астаналық оқушы мектеп бітірді. ҰБТ-ға қатысуға 95 %, яғни 6255 адам өтініш берді. Оның ішінде тестті 3 661-і қазақ, 2 554-і орыс, 40-ы ағылшын тілінде тапсырады. Айта кетсек, ҰБТ 21 маусым мен 5 шілде аралығында елордадағы үш университетте өтеді. Олар: Л.Гумилев атындағы Еуразия ұлттық университеті (2 589 оқушы, 13 аудитория), С.Сейфуллин атындағы Қазақ агротехникалық университеті (1818 оқушы, 7 аудитория) және Қазақ экономика, қаржы және халықаралық сауда университеті (1884 оқушы, 13 аудитория).

-->

Тестілеу кезінде 100 полиция қызметкері қоғамдық тәртіпті қамтамасыз етеді. Түлектердің ата-аналары үйде қалуы тиіс. Олар үшін аудиториялардан онлайн көрсетілім ұйымдастырылады, деп хабарлайды Елорда Инфо қала әкімдігінің ресми сайтына сілтеме жасап. «Оқытушылар мен түлектер арасында COVID-19 таралуын болдырмау және алдын алу бойынша түсіндіру жүргізілуде. Сыныптарда үстелдер арасындағы қашықтық кемінде екі метр болуы керек. Нұсқаулықта жазылғандай, дезинфекциялық құралдармен қамтамасыз ету (респираторлы бетперделер, қолғаптар, санитайзерлер); термометрияның сақталуы, тексерілетін адам мен қызметкер арасындағы қашықтық кемінде бір метр; университеттердің аудиторияларында санитарлық-дезинфекция режимін сақтау; желдету жүйелері мен ауа баптау жүйелерінің үздіксіз жұмысын қамтамасыз ету», – делінген Білім басқармасы таратқан ақпаратта. ҰБТ кезінде қоғамдық тәртіпті 100 полиция қызметкері мен 10 арнайы көлік қамтамасыз етеді. Сонымен қатар 9 медицина қызметкері және үш жедел жәрдем жұмылдырылады. 24 қызметкер өрт қауіпсіздігін қадағалайды, 46 автобус қала шетінде тұратын 540 түлекті тасымалдайды. Білім басқармасы түлектердің ата-аналары балалардың денсаулығы мен қауіпсіздігін қамтамасыз ету үшін топталып жиналмай, үйде отыруы керек екенін тағы да ескертеді. Олар үшін аудиториядан онлайн трансляция ұйымдастырылады. Естеріңізге салсақ, биыл 6 515 астаналық оқушы мектеп бітірді. ҰБТ-ға қатысуға 95 %, яғни 6255 адам өтініш берді. Оның ішінде тестті 3 661-і қазақ, 2 554-і орыс, 40-ы ағылшын тілінде тапсырады. Айта кетсек, ҰБТ 21 маусым мен 5 шілде аралығында елордадағы үш университетте өтеді. Олар: Л.Гумилев атындағы Еуразия ұлттық университеті (2 589 оқушы, 13 аудитория), С.Сейфуллин атындағы Қазақ агротехникалық университеті (1818 оқушы, 7 аудитория) және Қазақ экономика, қаржы және халықаралық сауда университеті (1884 оқушы, 13 аудитория).