20-ға жуық тұрғынды алдаған жүкті әйел ұсталды
Түркістан облысының полицейлері 20-ға жуық жәбірленушінің ақшасын жымқырған алаяқты ұстады, деп хабарлайды Елорда Инфо Polisia.kz-ке сілтеме жасап. Сарыағаш аудандық полиция бөлімшесіне жергілікті тұрғын өзін бейтаныс әйелдің мемлекет тарапынан ай сайын берілетін әлеуметтік көмекті алып беруге сендіргені туралы арызданған. Жәбірленуші 30 мың теңгесін беріп, алданып қалған. Аталған жайт ҚР Қылмыстық кодексінің 190-бабымен (алаяқтық) тіркеліп, сотқа дейінгі тергеп-тексерудің бірыңғай тізіліміне енгізілді. Тәртіп сақшылары шұғыл әрекетке көшіп, күдіктіні іздестірді. Аудандық полицейлердің жүргізген жедел-іздестіру жұмыстары нәтижесінде күдіктінің жеке-басы анықталды. Ол жергілікті тұрғын, бұрын адамдарды "көлік жүргізу куәлігін алып беремін" деп алдаған, сотты болған жүкті әйел болып шықты. Тергеу барысында күдіктінің осындай 17 жайтқа қатысы бары анықталды. Жалпы жәбірленушілерге келтірілген шығын көлемі 800 мыңға жуық теңгені құрады. Күдікті өз кінәсін толық мойындады. Жүктілігіне байланысты міндеттемемен босатылды. Қазіргі таңда сотқа дейінгі тергеу амалдары жүргізіліп жатыр. "Сіз алаяқтың құрбаны немесе куәсі болсаңыз, "102" телефонына шұғыл түрде хабарласыңыз. Тез арада берілген ақпарат қылмыстың ізін суытпай ашуға мүмкіндік береді", – делінген құқыққорғау органдары таратқан хабарламада.
-->Түркістан облысының полицейлері 20-ға жуық жәбірленушінің ақшасын жымқырған алаяқты ұстады, деп хабарлайды Елорда Инфо Polisia.kz-ке сілтеме жасап. Сарыағаш аудандық полиция бөлімшесіне жергілікті тұрғын өзін бейтаныс әйелдің мемлекет тарапынан ай сайын берілетін әлеуметтік көмекті алып беруге сендіргені туралы арызданған. Жәбірленуші 30 мың теңгесін беріп, алданып қалған. Аталған жайт ҚР Қылмыстық кодексінің 190-бабымен (алаяқтық) тіркеліп, сотқа дейінгі тергеп-тексерудің бірыңғай тізіліміне енгізілді. Тәртіп сақшылары шұғыл әрекетке көшіп, күдіктіні іздестірді. Аудандық полицейлердің жүргізген жедел-іздестіру жұмыстары нәтижесінде күдіктінің жеке-басы анықталды. Ол жергілікті тұрғын, бұрын адамдарды "көлік жүргізу куәлігін алып беремін" деп алдаған, сотты болған жүкті әйел болып шықты. Тергеу барысында күдіктінің осындай 17 жайтқа қатысы бары анықталды. Жалпы жәбірленушілерге келтірілген шығын көлемі 800 мыңға жуық теңгені құрады. Күдікті өз кінәсін толық мойындады. Жүктілігіне байланысты міндеттемемен босатылды. Қазіргі таңда сотқа дейінгі тергеу амалдары жүргізіліп жатыр. "Сіз алаяқтың құрбаны немесе куәсі болсаңыз, "102" телефонына шұғыл түрде хабарласыңыз. Тез арада берілген ақпарат қылмыстың ізін суытпай ашуға мүмкіндік береді", – делінген құқыққорғау органдары таратқан хабарламада.