Сыртқы істер министрлігі Түркістан облысындағы жағдайға қатысты түсініктеме берді
ҚР Сыртқы істер министрлігінің ресми өкілі Айбек Смадияров Түркістан облысындағы жағдайға қатысты түсініктеме берді, деп хабарлайды Елорда Инфо тілшісі ведомствоға сілтеме жасап. Өзбекстан Республикасы аумағындағы Сардоба су қоймасы бөгетінің бұзылуы және оның салдарынан Түркістан облысының бірқатар елді мекенін су басу бойынша жағдай біздің Үкіметтің ерекше бақылауында. Биыл 2 мамырда Қазақстан Президенті Қасым-Жомарт Тоқаев Өзбекстан Президенті Шавкат Мирзиёевпен телефон арқылы сөйлескені және сұхбат барысында тараптар орын алған жағдайды нақты талқылап, екі ел үкіметі үйлесімді жұмыс атқаратыны туралы уағдаласқаны мәлім. Су басу салдарын бірлесіп жою бойынша үкімет пен шекаралас өңірлер басшыларының тығыз өзара іс-қимылын назарға ала отырып, өзбек тарапына ҚР Сыртқы істер министрлігінің нотасын жолдау мәселесі қарастырылмайды. Түркістан облысының әкімі Өзбекстанның көршілес өңірлеріне жедел түрде сапар жасады. Сондай-ақ өзбек тарапымен қажетті келіссөздер жүргізіп, оның қорытындылары туралы Үкіметтің бүгінгі отырысында баяндады. Өздеріңізге мәлім, Премьер-Министрдің орынбасары Роман Скляр бастаған үкіметтік комиссия құрылды. Ертең ол Түркістан облысы мен Өзбекстанға бірлескен іс-қимыл алгоритмін пысықтау үшін барады. Екі тараптың барлық байланысы толықтай мәңгілік достық және стратегиялық әріптестік туралы шарттардың, трансшекаралық су ағындары мен халықаралық көлдерді қорғау және пайдалану жөніндегі конвенцияның нормаларына сәйкес жүзеге асырылады.
-->ҚР Сыртқы істер министрлігінің ресми өкілі Айбек Смадияров Түркістан облысындағы жағдайға қатысты түсініктеме берді, деп хабарлайды Елорда Инфо тілшісі ведомствоға сілтеме жасап. Өзбекстан Республикасы аумағындағы Сардоба су қоймасы бөгетінің бұзылуы және оның салдарынан Түркістан облысының бірқатар елді мекенін су басу бойынша жағдай біздің Үкіметтің ерекше бақылауында. Биыл 2 мамырда Қазақстан Президенті Қасым-Жомарт Тоқаев Өзбекстан Президенті Шавкат Мирзиёевпен телефон арқылы сөйлескені және сұхбат барысында тараптар орын алған жағдайды нақты талқылап, екі ел үкіметі үйлесімді жұмыс атқаратыны туралы уағдаласқаны мәлім. Су басу салдарын бірлесіп жою бойынша үкімет пен шекаралас өңірлер басшыларының тығыз өзара іс-қимылын назарға ала отырып, өзбек тарапына ҚР Сыртқы істер министрлігінің нотасын жолдау мәселесі қарастырылмайды. Түркістан облысының әкімі Өзбекстанның көршілес өңірлеріне жедел түрде сапар жасады. Сондай-ақ өзбек тарапымен қажетті келіссөздер жүргізіп, оның қорытындылары туралы Үкіметтің бүгінгі отырысында баяндады. Өздеріңізге мәлім, Премьер-Министрдің орынбасары Роман Скляр бастаған үкіметтік комиссия құрылды. Ертең ол Түркістан облысы мен Өзбекстанға бірлескен іс-қимыл алгоритмін пысықтау үшін барады. Екі тараптың барлық байланысы толықтай мәңгілік достық және стратегиялық әріптестік туралы шарттардың, трансшекаралық су ағындары мен халықаралық көлдерді қорғау және пайдалану жөніндегі конвенцияның нормаларына сәйкес жүзеге асырылады.