Елордада суға шомылуға рұқсат етілмеген 21 орын бар
Ратбек Демеубергеннің айтуынша, судағы адам өлімінің басты себебі – рұқсат етілмеген орындарда шомылу, азаматтардың жек қауіпсіздік ережелерін сақтамауы және мас күйінде суға сүңгу.
Күн сайын елорданың су айдындарының қауіпті учаскелерінде ТЖ департаменті, Ұлттық ұлан қызметкерлері патрульдеу жүргізеді. Олар халықпен судағы қауіпсіздік қағидаларын сақтау бойынша үгіт-насихат жұмыстарын өткізіп тұрады.
Нұр-Сұлтан қаласы Төтенше жағдайлар департаменті азаматтарды судағы қауіпсіздікті сақтауға шақырады.
-->
Ратбек Демеубергеннің айтуынша, судағы адам өлімінің басты себебі – рұқсат етілмеген орындарда шомылу, азаматтардың жек қауіпсіздік ережелерін сақтамауы және мас күйінде суға сүңгу.
Статистикаға сәйкес суда қаза болу жағдайларының 80%-ға жуығы жабдықталмаған және тыйым салынған орындарда шомылу себебінен болады. Биыл Нұр-Сұлтан қаласы әкімдігінің қаулысымен шомылуға үш учаске: Орталық қалалық жағажай, "Три пескаря" және "Астаналық аула" демалыс аймақтары рұқсат етілді. Нұр-Сұлтан қаласы мәслихатының шешімімен шомылуға арналған су айдындарының 21 тыйым салатын учаскесі (Алматы – 8, Байқоңыр – 4, Есіл - 6, Сарыарқа – 3) орнатылды. Барлық тыйым салынған учаскелер бойынша тыйым салу және ескерту белгілерін, оның ішінде жүзбелі белгілер мен ақпараттық стенділер орнату ұйымдастырылды, - деді Р.Демеуберген.
Күн сайын елорданың су айдындарының қауіпті учаскелерінде ТЖ департаменті, Ұлттық ұлан қызметкерлері патрульдеу жүргізеді. Олар халықпен судағы қауіпсіздік қағидаларын сақтау бойынша үгіт-насихат жұмыстарын өткізіп тұрады.
Бүгінгі таңда департамент қызметкерлері 20 мыңнан астам жадынамалар мен парақшалар таратты. Рейдтік іс-шаралар барысында Полиция департаментімен 189 әкімшілік хаттама толтырылды. Оның ішінде 28-і 364-бап бойынша (ортақ су пайдалану ережелерін бұзу) және 161-і 440-бап бойынша (қоғамдық орындарда спирттік ішімдіктерді ішу). Суға шомылу кезеңінің басталуымен елордалық құтқарушылар қаланың су айдындарында 6 адамды құтқарды. Олар тыйым салынған орындарда суға шомылған, - деді басқарма басшысы.
Нұр-Сұлтан қаласы Төтенше жағдайлар департаменті азаматтарды судағы қауіпсіздікті сақтауға шақырады.