Елордада білім беру және медицина мекемелерінің құрылыс көлемі едәуір ұлғайды – Алтай Көлгінов

Бұл туралы қала басшысы өзінің instagram-парақшасында жазды.

Осы орайда елорда әкімі Мемлекет басшысының тапсырмасы бойынша әлеуметтік қолжетімді тұрғын үйлердің, сол сияқты білім беру мен медицина мекемелерінің құрылыс көлемі едәуір ұлғайғанын, елді мекендерді жоспарлы түрде дамыту, көпірлер мен жол салу, инженерлік инфрақұрылымдарды жүргізу секілді өзге де жұмыстар жүзеге асып жатқанын жеткізді.

-->

Бұл туралы қала басшысы өзінің instagram-парақшасында жазды.

Әдеттегідей азаматтарды қабылдадым. Қала тұрғындары қозғайтын негізгі проблемаларды ескере отырып, осыған дейін «Жанұя» отбасы институтын қолдау орталығын (әлеуметтік сұрақтар), тұрғын үй саласында қызмет көрсететін бірыңғай орталығын, «iQala» қалалық қызмет көрсету орталығын аштық. Бұл орталықтар қала тұрғындарының басым бөлігін көмекпен қамтуға мүмкіндік береді, – деді Алтай Көлгінов.

Осы орайда елорда әкімі Мемлекет басшысының тапсырмасы бойынша әлеуметтік қолжетімді тұрғын үйлердің, сол сияқты білім беру мен медицина мекемелерінің құрылыс көлемі едәуір ұлғайғанын, елді мекендерді жоспарлы түрде дамыту, көпірлер мен жол салу, инженерлік инфрақұрылымдарды жүргізу секілді өзге де жұмыстар жүзеге асып жатқанын жеткізді.

Қаламыз тұрғындардың атсалысуымен дамып келеді. Азаматтарды жеке қабылдаулардан бөлек, елорданы аралау, аудандық кездесулер секілді жиындарда да тұрғындармен кездесеміз. Мәселелердің бір бөлігі биыл шешіледі, ал қалған бөлігі алдағы жылдарға жоспарланады. Себебі жүйелі проблемаларды шешу үшін көбірек уақыт қажет: жобалау-сметалық құжаттаманы дайындау, мердігерді анықтау, қаржы бөлу. Міне, осыдан кейін ғана құрылыс жұмыстары қолға алынады, – деді қала басшысы.