Елордада ірі өлшемді ағаштар отырғызу науқаны басталды

Отырғызылатын ағаштардың арасында 40 жастағы 6-8 метрлік ірі өлшемді ағаштар да бар.

Бұл ағаштар «Астана-Көгалдандыру» тәлімбағында өсіріліп, қалалық жағдайда отырғызуға бейімдендірілген. Қазіргі таңда ағаштар егілетін учаскелер анықталды. Олар: Бейсеков көшесі, Алаш тасжолы, Қошқарбаев даңғылы. Сонымен қатар Мәңгілік ел даңғылы бойына да ірі ағаштар отырғызу жоспарланып отыр, – дейді компания директоры Айбар Наурызәлі.

Сондай-ақ, аталмыш ұйым өкілдерінің айтуынша, ірі ағаштар отырғызылған аймақтар тамшылай суғару жүйесімен жабдықталатын болады, бұл әлгі ағаштардың жерсініп кетуіне жақсы көмектеседі. 

Әкімнің тапсырмасы бойынша, қаланы көгалдандыру концепциясы әзірленді, соған сәйкес қазір өсіп тұрған ағаштарды қорғап, жаңа жерлерге ірі жапырақты ағаштарды егу жұмыстары жүргізіледі, – дейді А.Наурызәлі.