Алтай Көлгінов елордалық әйелдерді мерекелерімен құттықтады

-->

Елордамыздың бүгінге дейін жеткен жетістіктері мен табыстары нәзік жанды аруларымызбен тікелей байланысты. Әйел адам жетістікке жете алмайтын ешбір сала жоқ. Қаламыздың даму жолында әрқайсысының сіңірген еңбегі зор.

Нәзік жандыларымызды 8 наурыз – Халықаралық әйелдер күнімен құттықтап, мерекелік концерт өткіздік. Олардың қатарында медициналық қызметкерлер, педагогтар, әлеуметтік сала қызметкерлері, еңбек ардагерлері, ерекше қажеттіліктері бар балаларды тәрбиелеп отырған аналар, білім жолында, спортта және т.б. жетістікке жеткен балалардың аналары бар.

Мемлекет басшысы әйел адамдардың әлеуетін жүзеге асыруға ерекше мән береді, басшылық лауазымдарда нәзік жандылардың қатары артып келеді. Мәселен түрлі салаларға көз жүгіртсек, қаламызда 25 мың медицина қызметкері болса, оның 20 мыңнан астамы – әйел адамдар, 21 мың ұстаздың 16 мыңы – нәзік жандылар. Сол сияқты 139 мектептің 100-ін әйел адамдар басқарса, 30 медициналық ұйымның 17-сіне де нәзік жандылар жетекшілік етеді. Мұндай мысалдар аз емес.

Балаларымызға білім беріп, азаматтарымызды емдейтін де әйелдер, осылайша олар қаламыздың тыныс-тіршілігіне үлкен үлес қосып отыр.

Құрметті, қыз-келіншектер! Сіздерге мықты денсаулық, шаңырақтарыңызға шаттық, жұмыстарыңызға береке, табыс тілеймін!, – деп жазды А.Көлгінов.