Биыл апатты жағдайдағы үйлерден 300-ден аса отбасы көшіріледі

Әкімнің айтуынша, апатты жағдайдағы үйлердің тұрғындарын көшіру жұмысы жалғаса береді.

Қазіргі таңда тұрғын үй жағдайын жақсарту үшін тұрғын үй кешенін жөндеу, лифтілерді ауыстыру, жеңілдікпен берілетін әлеуметтік тұрғын үй салу, құрылысы ұзаққа созылған нысандарды аяқтау бойынша жұмыс жүріп жатыр.

-->

Бүгін азаматтарды қабылдау барысында апатты жағдайда тұрған үйлерді бұзу мәселесі көтерілді. Бүгінге дейін біз Ы.Дүкенұлы, 21, Уголная, 12а (қазір әл-Фараби, 27) және т.б. мекенжайларында орналасқан апатты үйлерге барып, жағдайды көрдік. Бұл үйлердің тозығы жеткен, сумен, электрмен жабдықтауда проблемалары бар, шатырынан су ағып тұр, – деп жазды А.Көлгінов өзінің Instagram-парақшасында.

Әкімнің айтуынша, апатты жағдайдағы үйлердің тұрғындарын көшіру жұмысы жалғаса береді.

Биыл апатты жағдайда тұрған үйлерден 300-ден астам отбасын көшіруді жоспарлап отырмыз. Соңғы үш жылда тозығы жеткен үйлерден 700-ге жуық отбасын көшірдік, – деді ол.

Қазіргі таңда тұрғын үй жағдайын жақсарту үшін тұрғын үй кешенін жөндеу, лифтілерді ауыстыру, жеңілдікпен берілетін әлеуметтік тұрғын үй салу, құрылысы ұзаққа созылған нысандарды аяқтау бойынша жұмыс жүріп жатыр.