Елорда жаңалықтары

Елордалық медицина ұйымдары жаңажылдық мерекелерде қалай жұмыс істейді

24-02-2023 Елорда ақпарат

Алайда басқарма басшысы демалыс күндеріне байланысты емханалар жанындағы қызметтердің жұмыс кестесі аздап өзгеретінін атап өтті.

Мұратовтың айтуынша, қалалық стационарлар азаматтарды жұмыс күндеріндегідей тәулік бойы қабылдауды жалғастырады.

103 қызметі де өтініштерді қабылдау және қала тұрғындарының шақыруларына қызмет көрсету бойынша өз жұмысын тоқтатпайды. Диспетчерлер мен жедел жәрдем бригадаларының үздіксіз жұмысы тәулігіне 24 сағат қамтамасыз етіледі.

-->

Алғашқы медициналық-санитарлық көмек ұйымдарында мереке күндері халыққа медициналық көмекті кезекші дәрігерлер көрсететін болады. Сондай-ақ, фильтр-кабинеттер, мобильді бригадалар үздіксіз жұмыс істейді, олар амбулаториялық пациенттердің үйіне баруды да жүзеге асырады, ПТР әдісімен тестілеуді өткізу жалғасады, - деді Тимур Мұратов.

МСАК ұйымдарында пациенттерді қабылдау 1-4 қаңтар және 7 қаңтар күндері сағат 8:00-ден 18:00-ге дейін жүзеге асырылады. Жалпы практика дәрігерлері ғана кезекшілікте болады, мерекелерде салалық мамандарға бару мүмкін болмайды. Сүзгі-кабинеттерде кезекшілік ететін дәрігерлер кесте бойынша таңғы 8-ден кешкі 20.00-ге дейін жұмыс істейтін болады. Амбулаториялық науқастарға 8:00-ден 16:00-ге дейін қызмет көрсетуге болады, - деді спикер.

Әрине, мерекелік демалыс күндерін ескере отырып, барлық елордалық ауруханалар резервтік бейінді палаталарға бөле отырып, шұғыл және кейінге қалдыруға болмайтын медициналық көмек көрсету үшін күшейтілген жұмыс режиміне көшеді. Жедел және консультациялық көмек көрсету үшін стационарлық көмекті жоғары білікті мамандар ұсынады, - деп қосты ол.