Сейф көріп... жолдан тайды

Полиция департаментінің хабарлауынша, елордалық әйел пәтердегі жөндеу жұмысын жүргізу үшін жұмысшы шақырады. Біраз уақыт жұмыс істеген соң жас жігіт балконнан сейфті байқап қалады. Ішінде қомақты ақша бар-ау деген оймен әуелі оны ашуға тырысып көреді. Онысынан түк шықпаған соң, сейфті 7-қабаттың терезесінен лақтырады да, артынша өзі үйден шығып кетеді. Бірақ төменге түсіп, сейфтің әлі ашылмағанын көреді. Амалсыз осыдан кейін оқиға орнынан ізін суытады. Кейін анықталғанындай, сейфте шынында да 4 500 АҚШ доллары мен құжаттар жатқан. Қазір ұрлық жасамақ болған күдікті ұсталды. Оның бұрын осыған ұқсас қылмыс бойынша сотталғаны белгілі болды.

-->

Полиция департаментінің хабарлауынша, елордалық әйел пәтердегі жөндеу жұмысын жүргізу үшін жұмысшы шақырады. Біраз уақыт жұмыс істеген соң жас жігіт балконнан сейфті байқап қалады. Ішінде қомақты ақша бар-ау деген оймен әуелі оны ашуға тырысып көреді. Онысынан түк шықпаған соң, сейфті 7-қабаттың терезесінен лақтырады да, артынша өзі үйден шығып кетеді. Бірақ төменге түсіп, сейфтің әлі ашылмағанын көреді. Амалсыз осыдан кейін оқиға орнынан ізін суытады. Кейін анықталғанындай, сейфте шынында да 4 500 АҚШ доллары мен құжаттар жатқан. Қазір ұрлық жасамақ болған күдікті ұсталды. Оның бұрын осыған ұқсас қылмыс бойынша сотталғаны белгілі болды.