Былтыр елдегі құс еті өндірісінің көлемі артқан
Қазақстанда 2024 жылғы қаңтар мен қараша аралығында құс етінің өндірісі 2023 жылдың сәйкес кезеңімен салыстырғанда 9,4% ұлғайды, деп хабарлады Elordainfo.kz.
Ұлттық статистика бюросының мәліметінше, осы аралықта отандық кәсіпорындар 326,3 мың тонна өнім өндірген.
Құс етінің экспорты 34,2% артты. 2024 жылдың он бір айында шетелге 38 мың тонна өнім экспортталды, ал 2023 жылғы аталған кезеңде экспорт 28,3 мың тонна болған, - делінген хабарламада.
Импорт болса 10,7% төмендеді. Белгіленген кезеңде елге 121 мың тонна өнім әкелінген.
Қазақстанның ішкі нарығында 2024 жылдың 11 айында 409,3 мың тонна құс еті сатылды, бұл 2023 жылдың сәйкес кезеңімен салыстырғанда 1% көп (405,4 мың тонна).