Экономика

Жыл басынан бері 803 ауыр экономикалық қылмыс жасалды

Мемлекет басшысының бастамалары қалай іске асып жатқанынан хабар беретін «Айтылды – Орындалды» айдарымен берілетін ақпараттың бұл жолғы деректері «көлеңкелі» экономикамен күреске арналды. Президент бұл мәселені биылғы Жолдауында ерекше назарға алған болатын.

Берік Уәли келтірген дерек бойынша, жыл басынан бері 36 ұйымдасқан қылмыстық топтың жолы кесілген. Оның ішінде 27 топ жалған шот-фактура жасаумен, қолма-қол ақша алумен айналысқан және салықтан жалтарған. «Заң бұзу ықтималдығы жоғары тұлғалар реестріне» қолма-қол ақша беруші фирмалармен өзара есеп айырысқан 2,8 мыңнан астам заңды тұлға енгізілді. 1 мыңнан астам компанияның банктегі шоттары бойынша қаржы жұмсау операциялары уақытша тоқтатылды.

Президенттің баспасөз хатшысының айтуынша, қаржы пирамидаларының белгілерін алдын ала анықтау жұмыстары күшейтілді.

-->

Мемлекет басшысының бастамалары қалай іске асып жатқанынан хабар беретін «Айтылды – Орындалды» айдарымен берілетін ақпараттың бұл жолғы деректері «көлеңкелі» экономикамен күреске арналды. Президент бұл мәселені биылғы Жолдауында ерекше назарға алған болатын.

«Салық және кеден саласын цифрландыру «көлеңкелі экономиканың» кез келген көріністерімен күресуге айтарлықтай көмектеседі. Тіпті, «көлеңкелі экономика» сыбайлас жемқорлыққа жол ашып отырғаны жасырын емес. Сондықтан Экономикалық тергеу қызметінің жұмысын негізінен «көлеңкелі экономикамен» күресуге бейімдеуді тапсырамын», - деген болатын Мемлекет басшысы.

Берік Уәли келтірген дерек бойынша, жыл басынан бері 36 ұйымдасқан қылмыстық топтың жолы кесілген. Оның ішінде 27 топ жалған шот-фактура жасаумен, қолма-қол ақша алумен айналысқан және салықтан жалтарған. «Заң бұзу ықтималдығы жоғары тұлғалар реестріне» қолма-қол ақша беруші фирмалармен өзара есеп айырысқан 2,8 мыңнан астам заңды тұлға енгізілді. 1 мыңнан астам компанияның банктегі шоттары бойынша қаржы жұмсау операциялары уақытша тоқтатылды.

Президенттің баспасөз хатшысының айтуынша, қаржы пирамидаларының белгілерін алдын ала анықтау жұмыстары күшейтілді.

«Осы арада жалпы мөлшері 4,1 млрд теңге қаржы салу бойынша 30 дерек анықталды. Салық және кедендік басқаруды одан әрі жетілдіруге, қолма-қол ақшасыз төлем жасауды дамытуға, қолайлы бизнес орта қалыптастыруға бағытталған жаңа Кешенді жоспар бекітілді. Соңғы 4 жылдың ішінде еліміздегі «көлеңкелі» экономиканың деңгейі 29 пайыздан 20 пайызға дейін төмендеді», - деп жазды Берік Уәли.