«Фибратекс» ЖШС штапель жіп өндірісін айтарлықтай арттырады
Мемлекет басшысының тапсырмасы бойынша ірі қалаларда қоқыс өңдеу зауыттарын салу және қалдықтарды басқару жүйесін дамыту аясында утилизациялық төлем есебінен жеңілдетілген қаржыландыру механизмі жұмыс істейді. Қаржыландыру 3%-дық жылдық мөлшерлемемен және 15 жылға дейінгі мерзіммен, төлемдерді екі жылға дейін кешіктірумен беріледі, деп хабарлады Elordainfo.kz.
Экология министрлігі мен «Атамекен» ҰКП тарапынан әкімдіктер ұсынған 67 жобаның 43-і қалдықтарды қайта өңдеуге бекітілді.
«Фибратекс» ЖШС Атырау қаласында орналасқан. 2024 жылдан бері жұмыс істейді. Жобаның мақсаты – ПЭТ-бөтелкелерді қайта өңдейтін және жоғары сапалы штапельді жіп шығаратын заманауи зауыт құру.
2024 жылы компания ПЭТ-бөтелкелерді қайта өңдеу желісі (сағатына 1000 кг шығаратын), полиэфирлі штапельді жіп өндіру желісі (тәулігіне 20 тонна), сондай-ақ жүк көтергішпен жабдықтарды сатып алу үшін 1 043,6 миллион теңге көлемінде жеңілдетілген қаржыландыруға өтінім берген.
Осы жобаның іске қосылуы штапельді жіп өндірісін айтарлықтай арттыруға мүмкіндік береді.
Айта кетейік, Экология министрлігі «Жасыл даму» АҚ қаржылық қолдау алған кәсіпорындардың қызметін әрі қарай жариялайтын болады.