Елімізде рұқсат етілмеген қоқыстарды анықтау бойынша жұмыстар жүргізіліп жатыр
2018 жылдан бастап Қазақстан Республикасының Экология және табиғи ресурстар министрлігі «Ғарыш Сапары» Ұлттық компаниясымен бірлесіп, ел аумағындағы рұқсат етілмеген қоқыстарды анықтау және жою бойынша жұмыс жүргізуде, деп хабарлады Elordainfo.kz.
Бұл бастама құқық қорғау органдарымен және әкімдіктермен өзара тығыз іс-қимылда іске асырылуда, бұл қазірдің өзінде оң нәтижелерге алып келеді.
Соңғы төрт жылда анықталған рұқсат етілмеген полигондар санының төмендеу үрдісі байқалды. Мәселен, 2020 жылдан 2024 жылға дейін анықталған қоқыс үйінділерінің саны 2 есеге азайды (2020 ж - 8884, 2024 ж - 4897).
2024 жылы анықталған 4897 рұқсат етілмеген қоқыс үйінділерінің 2475-і (51%) жойылды.
Экология департаменттері рұқсат етілмеген қоқыс үйінділерін жою жөніндегі жұмыстың жеткіліксіздігі үшін жергілікті атқарушы органдардың лауазымды адамдарын әкімшілік жауапкершілікке тарту бойынша жұмыс жүргізуде.
«2022-2024 жылдар аралығында әкімдер мен олардың орынбасарларын қоса алғанда 439 лауазымды тұлға жалпы сомасы 40,3 млн теңгеге әкімшілік жауапкершілікке тартылды. Оның ішінде 2024 жылы 5,1 млн теңге сомасына 93 лауазымды тұлға тартылды, сондай-ақ 15 іс қаралуда», - делінген хабарламада.
Рұқсат етілмеген қоқыс үйінділеріне қарсы күрес жөніндегі шараларды күшейту үшін министрлік іс-шаралар жоспарын әзірледі, оның шеңберінде бұзушылықтардың жолын кесу бойынша тұрақты рейдтер өткізіледі.
«Әкімшілік құқық бұзушылық туралы» Қазақстан Республикасының Кодексіне (ӘҚБтК) өзгерістер енгізу бойынша жұмыс жүргізілуде. Түзетулер белгіленбеген жерлерде қоқыс шығарғаны үшін айыппұлдарды 50 АЕК-тен (172,5 мың теңге) 200 АЕК-ке (690 мың теңге) дейін ұлғайтуды, ал қайталап бұзғаны үшін айыппұл екі есеге арттыруды көздейді.