Астанада балабақша кезегіндегі балалардың бұзылған құқықтары қалпына келтірілді
Мемлекеттік қызмет істері агенттігінің Астана қаласы бойынша департаменті мемлекеттік көрсетілетін қызметтердің көрсетілу сапасын бағалауды және мемлекеттік бақылауды жүзеге асыратын мемлекеттік орган ретінде мемлекеттік қызметтерді жетілдіру бойынша белсенді жұмыс жүргізеді, деп хабарлады Elordainfo.kz.
Бұл жұмыстың сапасын қамтамасыз ету мақсатында, ең алдымен түрлі ақпарат көздерінен мәлімет жиналады, атап айтқанда қызмет көрсетушілердің шағымдары негізінде жоспардан тыс тексеру барысында анықталған мәселелер, мемлекеттік органдардың ақпараттары және т.б. болуы мүмкін.
Осылайша, департаментке мектепке дейінгі білім беру ұйымдарына жіберілетін балаларды кезектен заңсыз алып тастауға қатысты Астана қаласы тұрғындарынан шағымдары келіп түсті.
Мемлекеттік қызмет көрсету Қағидалардың жаңа редакциясына сәйкес, бірыңғай база көрсетілетін қызметті алушының кезекке мүдделілігін растау үшін өтініш берілген күннен бастап 11 ай өткеннен кейін проактивті тәсілмен хабарламаны жылына бір рет жолдайды. Қызметті алушыдан жауап алмаған жағдайда, хабарлама бір айдан соң қайта жіберіледі, кейін хабарламаға қайта жауап болмаған немесе теріс жауап келген жағдайда кезек архивке жіберіледі деп көзделген.
Шағымдарды қарау барысында, заңнамаға енгізілген өзгерістерге байланысты, жыл сайынғы жаңарту нәтижесінде барлық пайдаланушыларға қаңтар айында Indigo24 жеке кабинетіндегі өтінішті кезекке қайтару керектігі туралы хабарлама жіберілгені және балабақшаға мүдделігін растамаған өтініш берушілердің кезектілігі стоп-параққа енгізіліп, кейіннен өтінімдер жойылып мұрағатталғаны анықталды, - делінген Мемлекеттік қызмет істері агенттігінің Астана қаласы бойынша департаменті таратқан ақпаратта.
Осы негізде, департаментпен жаңа талаптар заңды күшіне енгенге дейін бұрын кезекке қойылған балалардың кезектілігін қалпына келтіру бойынша техникалық мүмкіндігін қарастыру және ақпараттық жүйенің жұмысын Қағидалар талаптарына сәйкестендіру бойынша тиісті ұсыныс Астана қаласының Білім басқармасына жолданды.
Нәтижесінде, қызмет алушылардың бұрын кезекке қойылған балалардың кезектілігі және бұзылған құқықтары қалпына келтірілді.