Білім

Мажарстан ЖОО-лары қазақстандықтарға 250 грант бөлді

31-03-2023 Елорда ақпарат

Мажарстан қазақстандықтарға «Stipendium Hungaricum» стипендиялық бағдарламасы аясында Мажарстанның жетекші ЖОО-ларында оқу үшін 250 білім беру грантын ұсынатын болады, деп хабарлады Elorda.info Ғылым және жоғары білім министрлігіне сілтеме жасап.

Мажарстанда тегін оқу конкурсына қатысу үшін құжат қабылдау осы жылдың 12 желтоқсанында басталып, 2023 жылдың 18 қаңтарында аяқталады. Өтінімдер Egov.kz электронды Үкімет порталы арқылы және «Халықаралық бағдарламалар орталығы» АҚ-да қабылданады.

Биыл үкіметаралық келісімдер шеңберінде бөлінген гранттар бойынша конкурстық іріктеудің ережелері жетілдірілді. Халықаралық бағдарламалар орталығының бастамасымен конкурстық іріктеуде ауылдық жерлерден үміткерлер үшін артықшылықтар енгізілді. Сонымен бірге үкіметаралық гранттардың түлектері үшін еңбекпен өтеу мерзімі үш жылдан бір жылға дейін қысқартылды, - деді «Халықаралық бағдарламалар орталығы» АҚ Басқарма төрағасы Әнуар Жанғозин.

«Stipendium Hungaricum» стипендиялық бағдарламасы қазақстандықтарға келесі бағдарламалар бойынша 250 грант ұсынып отыр.

Бакалавриат 110 орын;
Магистратура 90 орын;
Бакалавриат-магистратура 30 орын;
Докторантура 20 орын.

Грант мажар тілі курстарынан өту, академиялық оқу, жатақханада тұру, медициналық сақтандыру шығындарын өтейді, сондай-ақ студенттерге ай сайынғы стипендия төленеді.

Оқу ағылшын және мажар тілдерінде өтеді. Мажар тілін білмейтін қазақстандықтар үшін тегін тілдік дайындықтан өту мүмкіндігі қарастырылған.

-->

Бакалавриат 110 орын;
Магистратура 90 орын;
Бакалавриат-магистратура 30 орын;
Докторантура 20 орын.