Жамбыл облысында жалған нөмір таққан көлік жүргізушісі ұсталды
Бұл туралы полиция қызметкерлері жылдамдықты асырған Lexus LX 600 маркалы көлігін тоқтату кезінде анықтаған, деп хабарлады Elordainfo.kz.
Жүргізушінің жалған мемлекеттік нөмір таққаннан бөлек жүргізуші куәлігінен айрылғаны белгілі болды. Сонымен қатар 1,5 млн теңгеден астам айыппұлын төлемеген.
Оған бірнеше әкімшілік хаттама толтырылып, жалған мемлекеттік тіркеу нөмірімен көлік жүргізгені, жылдамдықты асырғаны және жүргізуші куәлігі жоқ бола тұра көлік басқарғаны үшін жалпы 117 960 теңге айыппұл салынды. Бес тәулікке әкімшілік қамауға алынып, бір жылға көлік жүргізу құқығынан айырылды.
Ал көлігі айыппұл тұрағына қойылды.