Қымбат Досжан Жәнібекке қатысты соңғы ақпаратты жариялады
Танымал тележүргізуші Қымбат Досжан өзінің әлеуметтік желідегі парақшасында бельгиялық отбасы асырап алған қазақ баласы Жәнібекке қатысты соңғы ақпаратты жариялады, деп хабарлады Elorda.info.
Оның айтуынша, енді бағдарлама ұжымы баланың әкесін іздейді.
-->Достар, Жәнібек балам жайлы соңғы ақпарат. Астана-Стамбул-Барселона-Мальорка-Малага бағытына шыққан Түркіш ұшағы Астанадан кешігіп ұшып, Жәнібек қалған рейстердің бәрінен кешігіп қалған, бірақ, баламыз өзі айтқандай, жолы болғыш бала екен, түрік авиакомпаниясы - үш рет ұшақ ауыстырып жететін жеріне бір ғана ұшақпен жететіндей етіп жағдай жасап, тамағын беріп, Стамбұлдан Малагаға бір-ақ жететін етіп билетін ауыстырып берген. Адамға адам секілді қараған түрік ағайынға мың алғыс! - деді Қымбат Досжан.
Оның айтуынша, енді бағдарлама ұжымы баланың әкесін іздейді.
Баламыздың анасы, немесе әкесі (енді әкесін іздейміз деп нақты шешім қабылдап отырмыз) осылайша тез табылса екен деп тілеймін. Әсел екеуміз баланы әр көрген, сөйлескен сайын «тегі жақсы, тіпті мықты тектен» екендігіне көз жеткіземіз, - деп жазды тележүргізуші.