Туристік инфрақұрылымды дамытуда 300-ге жуық жоба іске асырылатын болады
Туризм және спорт вице-министрі Ержан Еркінбаев Kazakhstan Global Investment Roundtable аясында ұйымдастырылған іс-шарада шетелдік БАҚ өкілдерімен кездесті, деп хабарлады Elordainfo.kz ҚР Туризм және спорт министрлігіне сілтеме жасап.
Іс-шараның мақсаты – халықаралық ынтымақтастықты нығайту әрі елдің туристік саласын дамыту.
Жиынға Швейцария, Нидерланд, Италия, Түркия, Қытай, Қырғызстан және басқа да елдердің жетекші БАҚ өкілдері қатысты. Ержан Еркінбаев іс-шараға қатысушыларға Қазақстанның туристік саладағы жетістіктері мен даму әлеуеті жөнінде айтып берді.
Сондай-ақ вице-министр халықаралық ынтымақтастықтың туризмді тұрақты дамыту және инвесторлар үшін қолайлы жағдай жасаудағы маңызын атап өтті.
«Біз инвестиция көлеміне қарамастан әрбір инвесторға жан-жақты қолдау көрсетуге дайынбыз. Қазақстан жалғастырып келеді: қазірдің өзінде 449-ға жуық жоба іске асырылды, алдағы уақытта 300-ге жуық жаңа жобаны іске қосу жоспарланып отыр. Бұл қадамдар Орталық Азияда тікелей шетелдік инвестицияларды тартудағы еліміздің жетекші ұстанымдарын сақтауға және халықаралық аренада ықпалды күшейтуге бағытталған», – деді Е. Еркінбаев.