Шенеунікті жиналыс үстінен ұстап әкетті

Оңалхан Оңерхан

Бұл оқиға Шымкент қаласы әкімі Ғабит Сыздықбаевтың қатысуымен болған жиналыста болды, деп хабарлады Elorda.info Otyrar Telegram каналына сілтеме жасап.

Отырыс барысында шаһар басшысы жемқорлық тақырыбын көтерді. Тіпті ол әкімдік қызметкерлерінің барлығы адал еместігін айтты.

Әкімдік қызметкерлерінің арасында адал адамдар көп, бірақ олардың арасында сатқындар да бар. Мен қанша рет ескерттім... Әріптестер, мені дұрыс түсініңіздер, менде басқа амал жоқ, - деді әкім.

Осыдан соң Сыбайлас жемқорлыққа қарсы іс-қимыл агенттігінің өкілі кейбір әкімдік қызметкерлеріне сұрақтары барын айтты.

Олар дәл жиналыс үстінде қалалық тұрғын үй басқармасының басшысын ұстап алып кетті.

#Шымкент