Орталық Азия елдері өңірдегі су мәселелерін шешудегі Қазақстанның рөлін жоғары бағалады
Тәжікстан Энергетика және су ресурстары министрінің бірінші орынбасары Джамшед Шоди Шоимзода Қазақстанда Су ресурстары және ирригация министрлігінің құрылуы Орталық Азиядағы су мәселелерін бірлесіп шешуге серпін бергенін айтты, деп хабарлады Elordainfo.kz министрлікке сілтеме жасап.
Сарапшының пікірінше, өңір елдерінің бірлескен күш-жігері биылғы аптап ыстықтың салдарын барынша азайтуға мүмкіндік берді.
«Қазақстанда су және ирригация саласына арнайы жауапты министрліктің құрылғаны қуантады. Қазір біз әлдеқайда жиі кездесеміз, өзара байланысымыз бұрынғыдан да тығыз. Себебі себебі тек бірлесіп талдау арқылы ғана судың тапшылығы мен қуаңшылықтың салдарын азайтуға бағытталған дұрыс және тиімді өңірлік шешімдер қабылдай аламыз. Биыл біз осы ынтымақтастықтың нақты нәтижесін көрсетіп, бірлесе әрекет ету арқылы қуаңшылықтың әсерін барынша азайттық», – деді Тәжікстан Энергетика және су ресурстары министрінің бірінші орынбасары Джамшед Шоди Шоимзода.