Әртүрлі

Қостанайда төтенше жағдай жарияланды

06-04-2024 Елорда ақпарат

Қаратомар су қоймасының шамадан тыс толып кетуіне байланысты, артық суды ағызу секундына 10 текшеден басталып, 1,5 мың текше метрге дейін жеткізілді. Ал мұның салдары қаланың жағалауға жақын аумақтарына зор қауіп-қатер төндіріп тұр. Атап айтқанда, «Дорожник», «Садовод», «Мичуринец» бау-бақша қоныстарын және «Колесные ряды» ауданын су басуы мүмкін, деп хабарлады Elorda.info «Қостанай таңы» басылымына сілтеме жасап.

Қостанай қаласы аумағында тұрғындарды эвакуациялауға арналған бірнеше пункт әзірленіп қойылған. Олар:

- ҚР ІІМ Академиясының жатақханасы;

- Қостанай индустриялық-педагогикалық колледжі;

- Қостанай автомобиль көлігі колледжі;

- Қостанай қызмет көрсету салалары колледжі;

- Қостанай құрылыс колледжі;

- «Дружба» профилакториясы;

- № 2 мектеп-лицей спорт залы;

- № 14 ЖББМ;

- С. Мәуленов атындағы гимназия;

- № 19 және № 20 мектептер;

- Физика-математика лицейі.

Сондай-ақ қажет жағдайда 102 немесе 109 телефон нөмірлері арқылы тиісті орындарға жүгінуге болады.

-->

Аталған аумақтардың тұрғындары құзіретті органдар бірінші талап еткен сәттен бастап, ұйымдасқан түрде эвакуацияға кірісуі керек. Бұл шарада егде кісілерге, жүріс-тұрысы қиын азаматтар мен балаларға ерекше көңіл бөлу сұралады. Алдын ала құжаттарыңыз бен алғашқы қажеттілігі бар заттарыңызды даярлап қойыңыздар. Сіздерге автобустар жіберіліп, олар эвакопункттерге қатынайды. Уақытша қоныстарда ас-ауқат және жатын орын әзірленген, - деп жазылған қалалық штаб хабарламасында.