Үкімет Жезқазғанда инженерлік желілер салуға 4,8 млрд теңгеден астам қаражат бөледі
Мемлекет басшысының тұрғын үй-коммуналдық инфрақұрылымын жаңғырту жөніндегі тапсырмаларын орындау мақсатында Премьер-Министр Олжас Бектенов Жезқазғанда тиісті жұмыстарды орындауға қосымша қаражат бөлу туралы қаулыға қол қойды, деп хабарлады Elorda.info.
Атап айтқанда, Ұлытау облысының әкімдігіне Жезқазған қаласының Батыс ауданының жаңа ықшам ауданына кәріз желілерін, магистралды су құбыры мен магистралды жылу желісін салу үшін ҚР Үкіметінің резервінен 4,8 млрд теңгеден астам қаражат аударылады.
Облыс орталығы мәртебесін алғаннан кейін қалада Батыс ауданы қарқынды түрде дами бастады. Онда жаңа тұрғын үйлер мен бірқатар әлеуметтік нысан, оның ішінде 1 200 орынға арналған мектеп құрылысы басталды (2024 жылдың соңына дейін пайдалануға беру жоспарда бар). Қажетті инженерлік коммуникацияларды уақтылы жүргізу барлық белгіленген объектілердің толыққанды іске қосылуын қамтамасыз етуге мүмкіндік береді.
Айта кету керек, жалпы Ұлытау облысында коммуналдық желілердің тозу деңгейін азайту және реконструкциялау бойынша жоспарлы жұмыстар жүргізіліп жатыр. Соңғы кезде мынадай нәтижелерге қол жеткізілді: ұзындығы 1 314 шақырымнан асатын су құбыры желілері бойынша тозу деңгейі 56,5-тен 51,2%-ға, су бұру желілері бойынша (539 км) – 74,6-дан 71,2%-ға, жылумен жабдықтау желілері бойынша (639 км) – 60-тан 58%-ға дейін төмендеді.
Тұрғын үй-коммуналдық секторды сауықтыру бойынша кешенді жұмыс республиканың барлық өңірінде жүргізіледі және ҚР Үкіметі басшылығының тікелей бақылауында.
-->Атап айтқанда, Ұлытау облысының әкімдігіне Жезқазған қаласының Батыс ауданының жаңа ықшам ауданына кәріз желілерін, магистралды су құбыры мен магистралды жылу желісін салу үшін ҚР Үкіметінің резервінен 4,8 млрд теңгеден астам қаражат аударылады.
Облыс орталығы мәртебесін алғаннан кейін қалада Батыс ауданы қарқынды түрде дами бастады. Онда жаңа тұрғын үйлер мен бірқатар әлеуметтік нысан, оның ішінде 1 200 орынға арналған мектеп құрылысы басталды (2024 жылдың соңына дейін пайдалануға беру жоспарда бар). Қажетті инженерлік коммуникацияларды уақтылы жүргізу барлық белгіленген объектілердің толыққанды іске қосылуын қамтамасыз етуге мүмкіндік береді.
Айта кету керек, жалпы Ұлытау облысында коммуналдық желілердің тозу деңгейін азайту және реконструкциялау бойынша жоспарлы жұмыстар жүргізіліп жатыр. Соңғы кезде мынадай нәтижелерге қол жеткізілді: ұзындығы 1 314 шақырымнан асатын су құбыры желілері бойынша тозу деңгейі 56,5-тен 51,2%-ға, су бұру желілері бойынша (539 км) – 74,6-дан 71,2%-ға, жылумен жабдықтау желілері бойынша (639 км) – 60-тан 58%-ға дейін төмендеді.
Тұрғын үй-коммуналдық секторды сауықтыру бойынша кешенді жұмыс республиканың барлық өңірінде жүргізіледі және ҚР Үкіметі басшылығының тікелей бақылауында.