Киік атқан браконьер ұсталды
Елімізде киік атқан браконьер ұсталды, деп хабарлады Elorda.info Экология және табиғи ресурстар министрлігі сайтына сілтеме жасап.
-->
«Сапсан» жедел тобы мен «Охотзоопром» ӨБ» РМҚК инспекторлары кезекті рейд барысында Қорғалжын қорығының аумағына іргелес Қызылкөл көлінің жанынан «Нива» маркалы автокөлігін тоқтатты. Көлікті тінту барысында салоннан киік ұшасының бөліктері табылды. Автокөлік жүргізушісінің Қарағанды облысы Нұра ауданының тұрғыны екені белгілі болды. Оқиға орнына бірден Қорғалжын ауданының полиция бөлімінің жедел-тергеу тобы шақырылды. Аталған факт СДТТБТ-де тіркеліп, тиісті іс-шаралар жүргізіліп жатыр, - деп жазылған хабарламада.