Әртүрлі

Ителгі құсын көбейту орталығын құру ұсынылды

Экология және табиғи ресурстар министрі Ерлан Нысанбаев Үкімет отырысында сұңқар тектес ителгі құсының санын зерттеу бойынша екі ғылыми-техникалық бағдарлама әзірлегенін айтты, деп хабарлады Elordainfo.kz.

Оның айтуынша, ителгінің қазіргі санын зерттеу және оны қоршаған ортаға жіберудің тиімділігін бағалау үшін 2025-2027 жылдарға арналған екі ғылыми-техникалық бағдарлама әзірленді. 

«Қазіргі уақытта біз Жоғары ғылыми-техникалық комиссияның отырысында осы бағдарламалардың қаралуын күтудеміз, содан кейін Республикалық бюджеттік комиссияның қарауына шығарылады. Бұған қоса, сұңқар популяциясын тиімді қалпына келтіру үшін жек-дуадақ үлгісінде ителгіні өсіру орталығын құру қажет. Қазіргі уақытта біз бұл мәселені халықаралық серіктестермен бірлесіп қарастырудамыз», — деді Ерлан Нысанбаев.