Әртүрлі

Еліміздегі танымал тау-шаңғы курортына былтыр 1,5 миллион адам барды

2024 жылы «Шымбұлақ» тау-шаңғы курорты 1,5 млн қонақ қабылдады. Бұл – отандық және шетелдік туристердің жалпы саны, деп хабарлады Elordainfo.kz.

Туризм және спорт министрлігінің мәліметінше, тау-шаңғы курортына жазғы және қысқы маусымда шамамен бірдей туристер келген.

Яғни, жазғы маусымда – 700 мың, қысқы кезеңде 800 мың адам «Шымбұлаққа» барған. Туристер санының жылдық өсімі 24%-ды құрады.

Алматыда орналасқан «Шымбұлақ» тау-шаңғы курорты ел тұрғындары арасында да, шетелдік меймандар арасында да кеңінен танымал бола бастады. Мұнда көбінесе Ресей, Қытай, Үндістан, Оңтүстік Корея және Таяу Шығыс елдерінен туристер келеді.