«ҚазАвтоЖол» компаниясының экс-төрағасына қатысты іс сотқа жетті
«ҚазАвтоЖол» ҰК» АҚ бұрынғы төрағасы мен бас мердігерге қатысты тергеу аяқталды, деп хабарлады Elordainfo.kz Бас көлік прокуратурасына сілтеме жасап.
Ол Есіл өзені арқылы көпір салумен «Жақсы-Есіл – Бузулук» автожолын күрделі жөндеуге бөлінген мемлекеттік қаражатты жымқырды деген күдікке ілінген.
Тергеу нұсқасы бойынша «ҚазАвтоЖол» ҰК» АҚ басшылығы мердігерге негізсіз артықшылық білдіріп, мақсатсыз пайдаланылған 200 млн теңге көлемінде аванс бере отырып, бір көзден алу тәсілімен заңсыз шарт жасасты.
Көлік прокуратурасы істі Астана қаласының сотына жолдады.