Қазақстандықтар 2025 жылы қанша күн демалады
2025 жылы қазақстандықтарды Жаңа жыл мен Наурыз мерекелерінде ұзақ демалыс күтіп тұр. Қаңтардың бірінші аптасында бес күннің тек біреуі ғана жұмыс күні болса, ал наурызда қатарынан бес күн демалыс беріледі, деп хабарлады Elordainfo.kz.
Жаңа жыл қарсаңында қазақстандықтар желтоқсанда бір күн 30 желтоқсан, дүйсенбі күні жұмыс істейді. Осыдан кейін 31 желтоқсан, сейсенбі күні және қаңтардың 1, 2-сі күндері – сәрсенбі мен бейсенбі күндері демалады. 3 қаңтар, жұма күні жұмыс істеп, содан кейін тағы екі күн демалыс болады.
Наурыз айында қазақстандықтар айдың жартысына жуығында демалыс күндерін қоса алғанда, демалады. 8 наурыз сенбі күніне түскендіктен, 10 наурыз дүйсенбі күні тағы демалыс болады. Ал Наурыз мерекесінде азаматтар қатарынан бес күн демалады: 21, 22, 23, 24, 25 наурыз.
Мамыр мерекелері қысқа болады. Қазақстандықтар әдеттегі демалыс күндері қосымша 1, 7 және 9 мамыр күндері демалады.
Маусым айында, демалыс күндерінен басқа 6 маусым – Құрбан айт мерекесі болады. Қазақстандықтар қосымша бір күн демалады.
Шілдеде Астана күні – 6 шілде жексенбіге түсетіндіктен, дүйсенбіге ауыстырылады, сондықтан мерекелік аптада үш күн демалыс болады. Тамызда бір мереке бар. 30 тамыз Конституция күні, жексенбіге түсетіндіктен, қазақстандықтар дүйсенбі, 1 қыркүйекте қосымша демалады.
Қыркүйекте 1 қыркүйек мерекесінен басқа тек әдеттегі демалыс күндері ғана болады.
Қазанда қазақстандықтар қатарынан үш күн демалады, себебі 25 қазан – Республика күні сенбіге түсіп, 27 қазан дүйсенбі тағы бір қосымша демалыс күні пайда болады.
Желтоқсанда, Жаңа жылдан бөлек, бір мереке – 16 желтоқсан Тәуелсіздік күні, сейсенбіге түсіп тұр.
2025 жылы үш айда мейрамдар болмайды: ақпан, сәуір және қараша. Бұл айларда қазақстандықтар тек әдеттегі демалыс күндерімен шектеледі.