Қазақстанда 25 млн тонна астық бастырылды
Бүгінгі таңда негізгі дәнді дақылдар бойынша 16,4 млн гектардан астам дәнді және бұршақты дақылдар немесе 98,6% алаңдар жиналды. Орташа өнімділігі 15,7 ц/га түсімділігімен 25,8 млн тоннадан астам астық бастырылды, деп хабарлады Elordainfo.kz.
Осылайша, бидай 13 млн гектар алқапта жиналды, өнімділігі 14,9 ц/га түсімділігімен, 19,4 млн тонна бастырылды, арпа – 2,2 млн гектар, өнімділігі 17,6 ц/га кезінде 3,9 млн тонна бастырылды, сұлы – 190 мың гектар, өнімділігі 17,1 ц/га кезінде 325,6 мың тонна бастырылды.
Биыл майлы дақылдар 1,5 млн гектар алқаптан жиналды, орташа өнімділігі 10,7 ц/га кезінде, 1,6 млн тонна бастырылды.
113,9 мың гектар алқаптан өнімділігі 234,1 ц/га түсімділігімен, 2,6 млн тоннадан астам картоп жиналды, көкөніс дақылдары 113,5 мың гектардан өнімділігі 282,8 ц/га түсімділігімен, 3,2 млн тоннадан астам жиналды.
Бақша дақылдары 98,7 мың гектар алқаптан жиналып, өнімділігі 264,0 ц/га, жалпы түсімі 2,6 млн тоннаны құрады, - делінген Ауыл шаруашылығы министрлігінің ақпаратында.
Жинау науқанына 149,9 мың трактор, 38,7 мың астық жинау комбайны, 14,9 мың дестелегіш және 195 мың басқа да техника тартылған.
Естеріңізге сала кетейік, көктемгі егіс және егін жинау жұмыстарын жеңілдетілген қаржыландыру көлемі 580 млрд теңгені құрады, бұл өткен жылдармен салыстырғанда 3 есе көп.
Егін жинау науқанын өткізудің барлық мәселелері ерекше бақылауда.