Қайтарылған активтер: 63 зергерлік бұйым аукционға шығарылды
«Қайтарылған активтерді басқару компаниясы» ЖШС 2025 жылғы 4, 5, 6 және 7 наурызда сағат 10:00-де E-Qazyna веб-порталында өтетін аукцион нысанындағы электрондық сауда-саттықтар туралы мәлімет жариялады, деп хабарлады Elordainfo.kz.
Бағаны көтеру форматы бойынша аукционға 63 зергерлік бұйым қойылады:
4 наурыз — 15 актив,
5 наурыз — 10 актив,
6 наурыз — 36 актив,
7 наурыз — 2 актив.
Сауда-саттыққа қалай қатысуға болады?
Сауда-саттыққа қатысу үшін E-Qazyna платформасында тіркеліп, кепілдік жарнасын төлеп, қызықтырған лотқа өтінім беру қажет.
БИН – 231040010244.
«Қайтарылған активтерді басқару компаниясы» ЖШС барлық мүдделі тұлғаларды осы бірегей мүмкіндікті пайдаланып, зергерлік бұйымдарды тиімді шарттармен сатып алуға шақырады.