Астанада Сейфуллин көшесі екі күнге жабылады
Астана қаласының Көлік және жол-көлік инфрақұрылымын дамыту басқармасы Сарыарқа даңғылынан бастап К.Күмісбеков көшесіне дейінгі учаскеде С.Сейфуллин көшесі жол төсемінің үстіңгі қабатын салу бойынша жұмыстар жүргізілетінін мәлім етті, деп хабарлады Elordainfo.kz.
Осыған байланысты 28-29 қыркүйек аралығында жоғарыда аталған учаске толығымен жабылады. Бұл ретте автокөлік құралдарының қозғалысы бір жағымен екі бағытта ұйымдастырылады.
Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз, - делінген хабарламада.
