АЭС энергетикалық қауіпсіздікті қамтамасыз етеді – Ерлан Каналимов
Астана қаласы мәслихатының төрағасы Ерлан Каналимов АЭС салуға қатысты пікірін білдірді, деп хабарлады Elordainfo.kz.
Былтыр 1 қыркүйек күні Президент Қасым-Жомарт Тоқаев Қазақстанда атом электр станциясын салу мәселесін республикалық референдумға шығаруды ұсынды.
«Бүгінгі таңда ел бойынша қоғамдық тыңдаулар өтіп жатыр. Қазақстандықтардың атап өтетін кемшіліктерінің қатарында АЭС-тің 1 кВт энергиясына сағатына 0,18 АҚШ доллары мөлшеріндегі жоғары бағасы, ядролық қалдықтарды сақтау және тасымалдау мәселелері, сондай-ақ АЭС-тің түрлі қауіп-қатерлер үшін оңай нысан болуы мүмкіндігі бар. Дегенмен, мамандардың айтуынша, артықшылықтар әлдеқайда көп. Ең алдымен, бұл таза энергетикаға көшу», - деп жазды ол.
Энергетикалық тәуелсіздік, жаңа жұмыс орындарының ашылуы және шетелдік инвесторларды тарту да ұмыт қалмауы тиіс.
Е.Каналимовтың айтуынша, елімізде атом электр станциясының құрылысы сөзсіз энергетикалық қауіпсіздік пен елдің тұрақты дамуын қамтамасыз ету жолындағы маңызды қадам болады.
Алайда, бұл жобаның табысты жүзеге асырылуы үшін барлық тәуекелдер мен шығындарды мұқият қарастыру, сондай-ақ қоғамдық ақпараттандыруды кеңінен жүргізу және қауіпсіздік технологияларын дамыту қажет.