Абай облысында қар құрсауында қалған екі көлік құтқарылды
Төтенше жағдайлар министрлігі Абай облысында қар құрсауында қалған екі көлік құтқарылғанын мәлімдеді, деп хабарлады Elordainfo.kz.
Абай облысының Мақаншы ауданында тасжолда қар құрсауында 6 адам мінген екі жеңіл көлік тұрып қалған.
- ТЖМ құтқарушылары вахтовка автокөлігімен оларға жетіп, адамдарды Мақаншы ауылына алып барды. Олар медициналық көмекке мұқтаж болғандар жоқ, - делінген хабарламада.
Мамандар ауа райы туралы ескертуге назар аударуды және ауа райы нашарлаған жағдайда елді мекеннен тысқары шығудан аулақ болуды ұсынады.