Ерлан Қошанов елордаға Астана атауын қайтаруға қатысты пікір білдірді

-->

Елорданың атауын өзгерту мәселесіне келер болсақ, бұл бастама – біздің депутаттардың, депутаттық топтың ұсынысы. Бірнеше жыл бұрын елорданың атауын өзгертілгеннен бері қоғамның ішінде пікірталас әлі де толастаған жоқ. Сондықтан халық арасында түрлі пікір бар. Соның көбісі бұрынғы атауын қайтаруды қолдап отыр. Депутаттар халық үніне құлақ асу қажет деген пайыммен елорданың бұрынғы атауын қайтару мәселесін көтерді. Алда қандай шешім болатынын күтейік, - деді Мәжілістің жалпы отырысынан кейін тілшілер сауалына жауап берген Е.Қошанов.