Талдықорған перзентханасында екі келіншек көз жұмды

Марқұмдардың туыстары шағым айтып, перинаталдық орталықтың алдына жиналды. 

Байымбетовтер отбасы 1 аптадан бері аза тұтып отыр. Өйткені төртінші баласын босануға кеткен қызының ауруханадан мәйіті шыққан. Марқұмның туыстарының сөзінше, Сәния Серікбайқызы ауырмаған. Бірақ көпбалалы ана атанамын деп отырған әйелдің жағдайы аяқ астынан ауруханада, 2 ақпанда нашарлап кетеді.

Сәния қан қысымы көтеріліп түсті. Дәрігерлердің айтуынша, бауыры ауырған. Бірақ оның бауыры ауырмайтын. Егер бауыр ауыратын болса, ай, тіпті  апта сайын анализ тапсырып, дәрігердің бақылауында болды, неге байқамаған? – дейді марқұмның келіні Меруерт Нұрғазинова. 

Ал 30 қаңтарда босануға келген Алакөл ауданының тұрғыны да көз жұмды. Өлімге нақты не себеп болғанын дәрігерлер ашып айтпаған. Ал талдықорғандық Санжар Өнербаев «Толғақпен ауруханаға түскен әйеліме ақ халаттылар салғырт қарады, дер кезінде көмек қолын созбады» дейді.

Сәния Серікбайқызының денесі 3 ақпанда жер қойнына тапсырылды. Жаңа туған нәресте қазір Талдықорғандағы перинаталдық орталықта жатыр. Ал анасының нақты неден көз жұмғаны арнайы тағайындалған сараптама қорытындысынан кейін белгілі болмақ.

-->

Марқұмдардың туыстары шағым айтып, перинаталдық орталықтың алдына жиналды. 

Байымбетовтер отбасы 1 аптадан бері аза тұтып отыр. Өйткені төртінші баласын босануға кеткен қызының ауруханадан мәйіті шыққан. Марқұмның туыстарының сөзінше, Сәния Серікбайқызы ауырмаған. Бірақ көпбалалы ана атанамын деп отырған әйелдің жағдайы аяқ астынан ауруханада, 2 ақпанда нашарлап кетеді.

Перзентханаға қызым өз аяғымен келді. Қызыма ешкім қарамаған, көмек көрсетілмеген. Өзі келген қызымды, табытпен алып шықтым, – деді марқұмның анасы Майра Байымбетова.

Сәния қан қысымы көтеріліп түсті. Дәрігерлердің айтуынша, бауыры ауырған. Бірақ оның бауыры ауырмайтын. Егер бауыр ауыратын болса, ай, тіпті  апта сайын анализ тапсырып, дәрігердің бақылауында болды, неге байқамаған? – дейді марқұмның келіні Меруерт Нұрғазинова. 

Ал 30 қаңтарда босануға келген Алакөл ауданының тұрғыны да көз жұмды. Өлімге нақты не себеп болғанын дәрігерлер ашып айтпаған. Ал талдықорғандық Санжар Өнербаев «Толғақпен ауруханаға түскен әйеліме ақ халаттылар салғырт қарады, дер кезінде көмек қолын созбады» дейді.

Бізге «ол қазір босанбайды, кете беріңіздер, босанар кезде шақыртамыз» деді. Түні бойы толғатқан, бірақ ешкім тексеріп, бақыламаған. Келесі күні 9:05-те босанды. Балам 22 қаңтарда дүниеге келді, әлі жансақтау бөлімінде жатыр, – деді Жетісу облысының тұрғыны Санжар Өнербаев.

Сәния Серікбайқызының денесі 3 ақпанда жер қойнына тапсырылды. Жаңа туған нәресте қазір Талдықорғандағы перинаталдық орталықта жатыр. Ал анасының нақты неден көз жұмғаны арнайы тағайындалған сараптама қорытындысынан кейін белгілі болмақ.

Тексеру жүріп жатыр. Оның қорытындысы 14-15 күннің ішінде белгілі болады, – деді перинаталдық орталықтың бас дәрігері Қанат Жұмашев.