Президент қазақстандықтарды Ораза айт мейрамымен құттықтады

Мемлекет басшысы Қасым-Жомарт Тоқаев қазақстандықтарды Ораза айт мейрамымен құттықтады, деп хабарлады Elorda.info.

-->

Мемлекет басшысы Қасым-Жомарт Тоқаев қазақстандықтарды Ораза айт мейрамымен құттықтады, деп хабарлады Elorda.info.

Баршаңызды Ораза айт мейрамымен шын жүректен құттықтаймын!

Бұл – күллі мұсылман қауымының ұлық мейрамы.

Ораза ұстаған жамағат осы мерекені асыға күтеді. Алыс-жақын ағайын бір-бірінің үйіне барып, жылы лебізін білдіреді. Халқымыздың ынтымағы нығайып, бірлігі беки түседі.

Ислам – имандылықты, бейбітшілікті, мейірімділікті дәріптейтін асыл дін. Осы игі құндылықтар елдің амандығы мен берекесін тілейтін ұлтымыздың салт-дәстүрімен біте қайнасып жатыр. Сондықтан бұл – бір шаңырақта тату-тәтті өмір сүріп жатқан барша жұртымыз үшін қадірлі ұғымдар.

Ораза айт – елдігімізді еселейтін мейрам. Біз мемлекетіміздің жарқын болашағы үшін қоғамдағы бірлік пен келісімді одан әрі нығайта береміз.

Еліміздің әр шаңырағы бақыт пен қуанышқа бөленсін!

Халқымыздың ырысы мен ынтымағы арта берсін!  

Айт қабыл болсын, ағайын! - делінген Президент құттықтауында.