Белгілі ғалым, дипломат Мұрат Лаумулин өмірден озды
Саяси ғылымдарының докторы, дипломат Мұрат Лаумулин дүниеден өтті. Бұл туралы Мемлекеттік кеңесші Ерлан Қарин Facebook парақшасында жазды, деп хабарлады Elorda.info.
-->
Мұрат Тұрарұлы ғылыми мекемелерде, оның ішінде басым бөлігінде еліміздің негізгі сараптамалық орталығы – Қазақстанның стратегиялық зерттеулер институтында, сондай-ақ Сыртқы істер министрлігінің жүйесінде елшілік қызметтерде жемісті жұмыс істеген еді. Қазақстанның стратегиялық зерттеулер институтында бірер уақыт бірге жұмыс істеп, әріптес болдық.
Ол халықаралық қатынастар, сыртқы саясат, ұлттық қауіпсіздік, Орталық Азияның геосаясаты, Қазақстан мен Батыстың қарым-қатынасы және басқа да өзекті мәселелерді сарапшылық тұрғыдан зерделеуде үлкен еңбек сіңірген азамат еді, - деп жазды ол.