Қазақстанда Атом есімді 5 адам бар
Бұл туралы Ұлттық статистика бюросының баспасөз қызметі мәлім етті, деп хабарлады Elordainfo.kz.
Соңғы деректерге сәйкес, елімізде Атом есімді 5 адам тұрады. Ең кішісі 3 жаста, ал үлкені – 66 жаста. Бұл есім иелері Ақмола мен Қостанай облыстарында, сондай-ақ Алматы және Астана қалаларында тұрады.
Сонымен қатар құрамында «атом» сөзі бар мынадай есімдер де кездеседі:
- Атомжан – 2 адам;
- Атомбек – 6 адам;
- Атомвек – 2 адам;
- Атомтай – 1 адам.
Ескерте кететін жайт, аталған есім иелерінің 80%-ы 47 жастан асқан және олар Қазақстанның 11 өңірінде тұрады. Бұл ретте, елімізде Референдум есімді адам жоқ.