Астанада «Капитан Qazaqstan» комиксінің тұсауы кесілді

Amanat партиясы Қоғамдық саясат институтының «SocioExpert Club» алаңында «Жаңа саяси мәдениет және креативті индустрия» тақырыбы аясында «Капитан Qazaqstan» комиксінің тұсауы кесілді, деп хабарлады Elorda.info.

Өз кезегінде, Сенат депутаты Геннадий Шиповских креативті индустрияны дамытудың мәні мен маңызын атап өтіп, комикстердің ұрпақ тәрбиесіне қосар үлесіне тоқталды.

Ал «Kitap.kz» жобасының авторы, медиасарапшы Мақпал Жұмабайдың айтуынша, ел жастарының шығармашылық, зияткерлік әлеуеті өте жоғары.

Аталған туындының авторы – партия жанындағы Қоғамдық саясат институтының бас сарапшысы Ерлан Ахмеди.

Айта кетейік, комикстің бас кейіпкері Дінмұхаммед Қасымхан күндіз әділеттілікті ту ететін саясаткер, түнде әділетсіздікпен күресетін суперқаһарман – «Капитан Qazaqstan». Комиксті Астанадағы «Алаш» және «Абай» дүкендерінен сатып алуға болады.

-->

Amanat партиясы Қоғамдық саясат институтының «SocioExpert Club» алаңында «Жаңа саяси мәдениет және креативті индустрия» тақырыбы аясында «Капитан Qazaqstan» комиксінің тұсауы кесілді, деп хабарлады Elorda.info.

Бүгінде әлем жұртшылығының алдында тұрған маңызды мәселенің бірі – кез келген шешімді дұрыс қабылдау, ойлану, оны жаңаша форматта ұсына білу. Өз басым, комиксқа қарағанда манганы көп оқимын. Мәселен, «Наруто», «Атака титанов» сынды мангалар – осы салада сілкініс жасаған жобалар. «Нарутоның» пайда болуы Жапонияда жастар арасындағы өз-өзіне қол жұмсау оқиғаларын айтарлықтай азайтты, – деді партия хатшысы Дәулет Кәрібек.

Өз кезегінде, Сенат депутаты Геннадий Шиповских креативті индустрияны дамытудың мәні мен маңызын атап өтіп, комикстердің ұрпақ тәрбиесіне қосар үлесіне тоқталды.

Бүгін біз отандық креативті индустрияның дамуына қатысты тарихи сәтке куә болып отырмыз. Осы мәселені Парламент Мәжілісі қабырғасында да көтерген едім. Аталған саланы әлі де өрге сүйреу қажет. Себебі, әрбір комикстің тәрбиелік мәні, жас ұрпаққа берер өзіндік пайдасы бар, – деді халық қалаулысы.

Ал «Kitap.kz» жобасының авторы, медиасарапшы Мақпал Жұмабайдың айтуынша, ел жастарының шығармашылық, зияткерлік әлеуеті өте жоғары.

Комикс – қоғамдық мәдениетті қалыптастырады. Өкінішке қарай, отандық комикстер өте аз. Саусақпен санарлық. «Капитан Qazaqstan»-ды елімізде жарыққа шыққан саяси тақырыптағы тұңғыш комикс деуге толық негіз бар, – деді М.Жұмабай.

Аталған туындының авторы – партия жанындағы Қоғамдық саясат институтының бас сарапшысы Ерлан Ахмеди.

Бүгін тұсауы кесіліп отырған комикстің нобайын оқушы кезімде жасай бастадым. «Marvel»-дің, «DC»-дің киносын, мультфильмдерін көріп өстім. Заманауи Қазақстанның қаһарманы, саясаткері қандай болуы керек деп көп ойландым. Оның жемісі – осы «Капитан Qazaqstan». Ол отбасылық құндылықтарға басымдық беріп, отансүйгіштікті, әділеттілікті ту етеді, – деді Ерлан Ахмеди.

Айта кетейік, комикстің бас кейіпкері Дінмұхаммед Қасымхан күндіз әділеттілікті ту ететін саясаткер, түнде әділетсіздікпен күресетін суперқаһарман – «Капитан Qazaqstan». Комиксті Астанадағы «Алаш» және «Абай» дүкендерінен сатып алуға болады.