Алматыда заңсыз жүрген шетелдіктер елден қуылды
Алматы полициясы заңсыз жүрген шетелдіктерді ұстады, деп хабарлады Elordainfo.kz Polisia.kz-ке сілтеме жасап.
Алматыға жеке құрылыс алаңында, мейрамхана мен көлік жуу орнында заңсыз жұмыс істеген шетелдіктер анықталды.
«Шетел азаматтарының жеке басын куәландыратын құжаттары болмаған. Олар ПД-ның қабылдап-тарату бөліміне жеткізілді. Сонымен қатар Қазақстан Республикасының көші-қон заңнамасын бұзғаны үшін құқық бұзушылар әкімшілік жауапкершілікке тартылып, елден шығарылатын болады», – деді Алматы қалалық ПД көші-қон қызметі басқармасының бастығы Асхат Бутунчинов.