Қытайда ер адам көлікпен 35 адамды қағып өлтірді
Оқиға Қытайдың оңтүстігіндегі Чжухай қаласында болған. Спорт орталығының жанында адамдар серуендеп және спортпен шұғылданып жүрген, деп хабарлады Elordainfo.kz.
South China Morning Post жазуынша, оқиға салдарынан 35 адам қаза тапты, 43 адам ауыр жарақат алған.
Көлік тізгінінде 62 жастағы ер адам отырған. Ол қылмыс орнынан қашып кетуге тырысқан, дегенмен құқық қорғаушылар оған жол бермеді.
Жергілікті полиция мәліметінше, ер адам көлікте отырғанда өз-өзіне қол салып, ауруханаға жеткізілген.