Wildberries-тің 1% акциясын қайтарып алды: Татьяна Ким бұрынғы күйеуін сотта жеңіп шықты

«Мәскеудің Савеловский соты 17 сәуірдегі отырыста Татьяна Ким мен Влвдислав Бакалчуктың мүлкін бөлу туралы шешім шығарды. Судьяның шешімімен Владислав Бакалчук иеленген Wildberries-тегі бір пайыздық үлес Татьяна Кимге кетті», - деп жазылған хабарламада.

Осылайша, Ким компанияның 100 пайызына иелік етті. Сондай-ақ баспасөз қызметі оның артында Wildberries Bank-тегі 100 пайыздық үлес және оның жеке шоттарындағы барлық қараджат қалады деп толықтырды. 

Айта кетейік, Ким Татьяна Владимировна – Wildberries онлайн-сату желісінің негізін қалаушы. Декреттегі демалыста бизнесті бастағаннан кейін ол Ресейдегі ең ықпалды бизнес көшбасшыларының біріне айналды. Ол 1975 жылы 16 қазанда Мәскеуде этникалық корейлер отбасында дүниеге келген. 

Оның анасы бастауыш сынып мұғалім, ал әкесі инженер болып жұмыс істеген. 

Татьяна Ким өзінің жұбайы Владислав Бакальчукпен қай жерде танысқаны және олардың махаббат хикаясының қалай өрбігені туралы белгісіз. Отбасы журналистерге берген сұхбаттарында жеке өмір тақырыбында егжей-тегжей айтпаған.  Олар 2000-шы жылдардың басында кездесіп, танысқаннан кейін бір жарым айдан кейін  үйленгені белгілі. Ал күйеуі оның бизнеске серіктесі болған. 

Владислав Бакалчукпен некеде Татьяна Кимнің жеті баласы бар. Көпбалалы отбасында 2021 жылы егіздер дүниеге келді. Олардың екеуі ұл, үшеуі қыз. 
Wildberries-тің негізін қалаушы өзін-өзі жасаған әйел ретінде көрсетеді. Ол бизнесті нөлден бастады. Татьяна Ким тауарлар каталогын құрды. Іскер әйел өзінің сұхбаттарында бірнеше рет «сатушылармен қарым-қатынас кезінде өзін әрдайым ыңғайсыз сезінетінін» атап өтті. Сондықтан ол кеңесшілер мен кассадағы кезектерсіз тауарлар сатып алу жолдарын қарастырды. Wildberries тарихы бизнесін енді бастаған кәсіпкерлерді шабыттандырады және еңбекқор кез келген адам қиындықтар мен инновациялардан қорықпайтынын дәлелдейді. 

Отбасылық бизнесінің қалыптасу тарихы 2004 жылы бірінші қызының дүниеге келуінен басталды. Содан кейін ақша жетіспеді, ал қолында баламен репетиторлықты жалғастыру мүмкін болмады. Жас ана ретінде Татьяна кішкентай баламен сауда жасау кейде нағыз сынаққа айналатынын білді. Сол уақытта  интернетте заттарды қайта сату идеясы пайда болды. Ол өзінің қажеттіліктері мен сұраныстарына сүйенді. Каталогтардың танымалдылығы мен интернет-сауданың дамып келе жатқанын бағалап, Татьяна Ким клиенттерге танымал неміс Otto мен Quelle каталогтарынының өнімдерін ұсынды. Күйеуімен бірге олар өздерінің каталогтың сайтын құрды, интернетте жарнама жасады, бәсекелестерден ерекшелену үшін тауарлардың құнына тек 10% қосты және клиенттерден алдын ала төлем алмады. Бірінші күні  бірнеше тапсырыс келді. Осылайша Wildberris компаниясы пайда болды. (ағылшын тілінен аударғанда – «жабайы жидектер»).

«Шын мәнінде, бұл біздің отбасымыздағы екінші бала – мен оны үлкен қызым бір жарым айлық кезінде ойлап таптым. Содан кейін тоғыз ай бойы бұл жоба «пісіп» жетілді. Бұл туралы 2004 жылдың ақпан  айының соңында ойлана бастадым, ал бірінші тапсырыс қараша айында келді. Мен Wildberris-ке тірі организм ретінде қараймын, иә, бала сияқты», - деді Татьяна Ким. 

Сатылым бастағаннан кейін ерлі-зайыптылар тапсырыстарды өздері орап, тауарларды тасымалдады. Олар  қораптағы тауарларды өз пәтерлерінде сақтады.

Тапсырыс көлемі айтарлықтай артқан кезде олар сақтау кеңсесін жалға алу туралы шешім қабылдады.